ಸುಮಾರು 1944ರ ಆಸುಪಾಸಿನಲ್ಲಿ, ಮೂಲತಃ ಅಕ್ಕಲಕೋಟೆಯವರಾದ ಪೂಜ್ಯ ಗಜಾನನ ಮಹಾರಾಜರು ಅಗ್ನಿಹೋತ್ರ ಹೋಮ ಮತ್ತು ಅದರ ಆಚರಣೆಯನ್ನು ವ್ಯವಸ್ಥಿತವಾಗಿ ಉತ್ಕೃಷ್ಟ ಮಟ್ಟದಲ್ಲಿ ರೂಪಿಸಲು ಭಗವಾನ್ ಪರಶುರಾಮರು ಕೊಟ್ಟಂತಹ ವಿದ್ಯೆಯನ್ನು ಅನುಸರಿಸಿ, ಅದರ ಉಪಯೋಗ ಮತ್ತು ಲಾಭಗಳನ್ನು ಎಲ್ಲಾ ಕಡೆ ಪಸರಿಸಿದರು.
ಅಗ್ನಿಹೋತ್ರ ಎಂದರೆ ಪ್ರತಿನಿತ್ಯ ಮನೆಗಳಲ್ಲಿ ಅಥವಾ ಸೂಕ್ತ ಸ್ಥಳದಲ್ಲಿ ಸೂರ್ಯೋದಯ ಅಥವಾ ಸೂರ್ಯಾಸ್ತ ಸಮಯದಲ್ಲಿ ಸೂರ್ಯದೇವನಿಗೆ ಅರ್ಪಿಸುವ ಒಂದು ಸಣ್ಣ ಹೋಮ. ಯಾರು ಇದನ್ನು ಆಚರಿಸುತ್ತಾರೋ ಅವರನ್ನು ಅಗ್ನಿಹೋತ್ರಿಗಳು ಎನ್ನುವರು.
ಪ್ರಾಚೀನ ವಿಜ್ಞಾನ ಮತ್ತು ವೇದಗಳ ಪ್ರಕಾರ ತಾಮ್ರ ಅಥವಾ ಚಿನ್ನದ ಹೋಮ ಕುಂಡವನ್ನು ಬಳಸಿ ಅಗ್ನಿಹೋತ್ರ ಮಾಡಬಹುದಾಗಿದೆ. ಏಕೆಂದರೆ ಅವು ಸೂಕ್ಷ್ಮಶಕ್ತಿಯನ್ನು ಉತ್ಪಾದಿಸಲು ಉತ್ತಮ ಸಾಧಕಗಳಾಗಿವೆ.
ಅಗ್ನಿಹೋತ್ರದ ಹೊಗೆ ಮತ್ತು ಪವಿತ್ರ ಭಸ್ಮವು ನೀರು ಹಾಗೂ ಗಾಳಿಯನ್ನು ಶುದ್ದೀಕರಿಸುತ್ತವೆ. ಅಲ್ಲದೆ ವಾತಾವರದಲ್ಲಿರುವ ಜೀವಿಗಳ ಆರೋಗ್ಯವನ್ನು ಸುಧಾರಿಸಲು ಸಹಾಯ ಮಾಡುತ್ತದೆ. ಅಗ್ನಿಹೋತ್ರವನ್ನು ಸರಿಯಾದ ಸಮಯಕ್ಕೆ, ಸರಿಯಾದ ಪದಾರ್ಥಗಳೊಂದಿಗೆ ಮತ್ತು ಒಳ್ಳೆಯ ಆಲೋಚನೆಯೊಂದಿಗೆ ಆಚರಿಸುವುದರಿಂದ ಅಗಾಧ ಪ್ರಮಾಣದ ಧನಾತ್ಮಕ ಸೂಕ್ಷ್ಮಶಕ್ತಿ ಜಾಗೃತವಾಗಿ, ಇದು ನಮ್ಮ ಆರೋಗ್ಯಕರ ಜೀವನಕ್ಕೆ ಕಾರಣವಾಗುತ್ತದೆ. ಅಗ್ನಿಹೋತ್ರದ ಸಮಯದಲ್ಲಿ ಅಗಾಧ ಪ್ರಮಾಣದ ಧನಾತ್ಮಕ ಶಕ್ತಿಯು ಹೋಮ ಕುಂಡದ ಸುತ್ತಲೂ ಉತ್ಪತ್ತಿಯಾಗಿ ವಾತಾವರಣದಲ್ಲಿ ಹರಡಿರುವ ನಕಾರಾತ್ಮಕ ಶಕ್ತಿಯನ್ನು ಶೂನ್ಯಗೊಳಿಸುತ್ತದೆ.
ಶ್ರೀ ಶಿರಡಿ ಸಾಯಿ ಭಿಕ್ಷಾ ಕೇಂದ್ರದ ಸಂಸ್ಥಾಪಕರು ಮತ್ತು ಮುಖ್ಯಸ್ಥರು
ಗುರೂಜಿ ಶ್ರೀ ಲಕ್ಷ್ಮೀ ಶ್ರೀನಿವಾಸರು ಶ್ರೀ ಶಿರಡಿ ಸಾಯಿ ಭಿಕ್ಷಾ ಕೇಂದ್ರದ ಸಂಸ್ಥಾಪಕರು ಮತ್ತು ಮುಖ್ಯಸ್ಥರಾಗಿದ್ದಾರೆ. ಶ್ರೀ ಗುರೂಜಿಯವರು ಆಧ್ಯಾತ್ಮಿಕ ಗುರುಗಳಾಗಿದ್ದು, ಇವರು ತಮ್ಮ 13ನೇ ವಯಸ್ಸಿನಿಂದ ದತ್ತ ಸಂಪ್ರದಾಯವನ್ನು ಶ್ರೀ ಭಾಗೀರಥಿ ವಿಷ್ಣು ಮಹಾರಾಜ್ ಮತ್ತು ಶ್ರೀ ನಿರಂಜಾನಂದ ಸರಸ್ವತಿಗಳ ಆಧ್ಯಾತ್ಮಿಕ ಮಾರ್ಗದರ್ಶನವನ್ನು ಅನುಸರಿಸುತ್ತ ಬಂದಿದ್ದಾರೆ. ಹಾಗೆಯೇ ಯೋಗ ಶಿಕ್ಷಣವನ್ನು ಮಲ್ಲಾಡಿಹಳ್ಳಿ ಶ್ರೀ ರಾಘವೇಂದ್ರ ಸ್ವಾಮೀಜಿಗಳಿಂದ ಕಲಿತರು (ತಿರುಕ). ತಮ್ಮ ಪ್ರಾರಂಭಿಕ ದಿನಗಳಲ್ಲಿ ಶ್ರೀ ಗುರೂಜಿಯವರು ಸಮಾಜಸೇವೆಗಾಗಿ ಭಾರತ ವಿಕಾಸ ಪರಿಷತ್ ಮತ್ತು ಇತರ ಸಮಾಜಸೇವಾ ಹಾಗೂ ಆಧ್ಯಾತ್ಮಿಕ ಸಂಸ್ಥೆಗಳ ಮೂಲಕ ತಮ್ಮನ್ನು ತೊಡಗಿಸಿಕೊಂಡರು.
ಕಳೆದ 30 ವರ್ಷಗಳಿಂದ ಶ್ರೀ ಗುರೂಜಿಯವರು ವ್ಯಾಪಕವಾದ ಸಂಶೋಧನೆಯನ್ನು ನಡೆಸುತ್ತಿದ್ಧಾರೆ. ಮುದ್ರಾ, ಮಂತ್ರ, ತಂತ್ರ, ಯಂತ್ರ, ಜ್ಯೋತಿಷ್ಯ ಶಾಸ್ತ್ರ, ವಿಷ್ಣು ಸಹಸ್ರನಾಮದ ವೈಜ್ಞಾನಿಕ ವಿಶ್ಲೇಷಣೆ ಮತ್ತು ಕರ್ಮ ಸಿದ್ಧಾಂತದ ವಿವರಣೆ ಹಾಗೂ ಇನ್ನೂ ಹಲವು ಸಂಬಂಧಿತ ಕ್ಷೇತ್ರದಲ್ಲಿ ಪ್ರವಚನಗಳನ್ನು ನೀಡಿರುತ್ತಾರೆ. ಹಲವಾರು ಖಾಯಿಲೆಗಳನ್ನು ಮುದ್ರೆಗಳಿಂದ ಗುಣಪಡಿಸುವುದರ ಬಗ್ಗೆ ವ್ಯಾಪಕ ಸಂಶೋಧನೆ ನಡೆಸಿದಕ್ಕಾಗಿ ಗುರೂಜಿಯವರಿಗೆ ಹಲವು ಗೌರವ ಶೀರ್ಷಿಕೆಗಳಾದ "ಮುದ್ರಾ ರತ್ನ", "ಮುದ್ರಾ ಬ್ರಹ್ಮ","ಮುದ್ರಾ ಶಿರೋಮಣಿ" ಎಂಬ ಬಿರುದುಗಳನ್ನು ಪಡೆದಿದ್ದಾರೆ. ಗುರೂಜಿಯವರ ಜ್ಯೋತಿಷ್ಯ ಮತ್ತು ವಾಸ್ತುಶಾಸ್ತ್ರದ ವಿಶೇಷ ಪಾಂಡಿತ್ಯಕ್ಕಾಗಿ "ಜ್ಯೋತಿಷ್ಯ ರತ್ನ", "ಜ್ಯೋತಿಷ್ಯ ಭೂಷಣ" ಎಂಬ ಬಿರುದುಗಳನ್ನು ಪಡೆದಿದ್ದಾರೆ. ಗುರೂಜಿಯವರ ಹಲವು ಮುದ್ರಾ ಕಾರ್ಯಕ್ರಮಗಳು ಟಿವಿ ಮಾಧ್ಯಮಗಳಲ್ಲಿ ಪ್ರಸಾರವಾಗಿ ಎಲ್ಲರ ಮೆಚ್ಚುಗೆಗೆ ಪಾತ್ರವಾಗಿದೆ. ಆಧುನಿಕ ವೈದ್ಯಕೀಯ ಚಿಕಿತ್ಸೆಯಿಂದ ಗುಣಪಡಿಸಲಾಗದ ಹಲವಾರು ರೋಗಗಳು ಶ್ರೀ ಗುರೂಜಿಯವರ ಕೃಪೆಯಿಂದ ಔಷಧಗಳ ಬಳಕೆಯಿಲ್ಲದೆ ಗುಣವಾಗುತ್ತಿವೆ.
ಶ್ರೀ ಗುರೂಜಿಯವರು ಸಮಾಜದ ಒಳಿತಿಗಾಗಿ ಈ ಕೆಳಗಿನ ಯಾಗ ಮತ್ತು ಕಾರ್ಯಾಗಾರಗಳನ್ನು ನಡೆಸಿಕೊಡುತ್ತಾರೆ.
ಕಾರ್ಯಾಗಾರಗಳು:
| ಬೆಳಿಗ್ಗೆಯ ಅಗ್ನಿಹೋತ್ರ ಮಂತ್ರ | ಸಂಜೆಯ ಅಗ್ನಿಹೋತ್ರ ಮಂತ್ರ |
|---|---|
| "ಸೂರ್ಯಾಯ ಸ್ವಾಹಾ ಸೂರ್ಯಾಯ ಇದಂ ನ ಮಮ" "ಪ್ರಜಾಪತಯೇ ಸ್ವಾಹಾ ಪ್ರಜಾಪತಯೇ ಇದಂ ನ ಮಮ" | "ಅಗ್ನಯೇ ಸ್ವಾಹಾ ಅಗ್ನಯೇ ಇದಂ ನ ಮಮ". "ಪ್ರಜಾಪತಯೇ ಸ್ವಾಹಾ ಪ್ರಜಾಪತಯೇ ಇದಂ ನ ಮಮ" |
| ಸೂರ್ಯಾಯ | ಸೂರ್ಯ | ಅಗ್ನಯೇ | ಅಗ್ನಿ |
| ಸ್ವಾಹಾ | ಅರ್ಪಣೆ | ಸ್ವಾಹಾ | ಅರ್ಪಣೆ |
| ಸೂರ್ಯಾಯ | ಸೂರ್ಯ | ಅಗ್ನಯೇ | ಅಗ್ನಿ |
| ಇದಂ | ಇದು | ಇದಂ | ಇದು |
| ನ ಮಮ | ನನ್ನದಲ್ಲ | ನ ಮಮ | ನ ಮಮ |
| ಪ್ರಜಾ | ಎಲ್ಲಾ ಜೀವಿಗಳು | ಪ್ರಜಾ | ಎಲ್ಲಾ ಜೀವಿಗಳು |
| ಪತಯೇ | ದೇವರು | ಪತಯೇ | ದೇವರು |
| ಸ್ವಾಹಾ | ಅರ್ಪಣೆ | ಸ್ವಾಹಾ | ಅರ್ಪಣೆ |
| ಪ್ರಜಾ | ಎಲ್ಲಾ ಜೀವಿಗಳು | ಪ್ರಜಾ | ಎಲ್ಲಾ ಜೀವಿಗಳು |
| ಪತಯೇ | ದೇವರು | ಪತಯೇ | ದೇವರು |
| ಇದಂ | ಇದು | ಇದಂ | ಇದು |
| ನ ಮಮ | ನನ್ನದಲ್ಲ | ನ ಮಮ | ನನ್ನದಲ್ಲ |
ಆರೋಗ್ಯಕರ ಮತ್ತು ಸಂತೋಷದ ಜೀವನವನ್ನು ನಡೆಸಲು ಪ್ರತಿಯೊಬ್ಬರಿಗೂ ನೀರು, ಆಹಾರ ಮತ್ತು ಗಾಳಿಯ ಅವಶ್ಯಕತೆ ಇದೆ.
ನೀರಿನ ಸೇವನೆಯಿಲ್ಲದೆ ನಾವು 3 ಅಥವಾ 4 ದಿನಗಳವರೆಗೆ ಬದುಕಬಹುದು. ದೇಹದಲ್ಲಿ ನೀರಿನ ಪ್ರಮಾಣ ಕಡಿಮೆಯಾದಲ್ಲಿ ನಿರ್ಜಲೀಕರಣ, ಅನಾರೋಗ್ಯ, ಅತಿಯಾದ ಉಷ್ಣ, ಹೀಗೆ ಅನೇಕ ಆರೋಗ್ಯ ಸಮಸ್ಯೆಗಳು ಉಂಟಾಗುತ್ತವೆ.
ಆಹಾರ ಸೇವನೆಯಿಲ್ಲದೆ ನಾವು 3 ವಾರಗಳವರೆಗೆ ಬದುಕಿರಬಹುದು. 3 ವಾರಗಳ ಕಾಲ ಆಹಾರವನ್ನು ಸೇವಿಸದಿದ್ದರೆ ದೇಹವು ದುರ್ಬಲಗೊಳ್ಳುತ್ತದೆ. ಇದು ಸಾವಿಗೆ ಕಾರಣವಾಗುತ್ತದೆ.
ಪ್ರತಿಯೊಬ್ಬರು ಆರೋಗ್ಯವಾಗಿರಲು ಗಾಳಿಯು ಪ್ರಮುಖ ಪಾತ್ರ ವಹಿಸುತ್ತದೆ. ಆದರೆ ನಮ್ಮ ಪರಿಸರದಲ್ಲಿ ವಿಷಕಾರಿ ಅನಿಲಗಳು, ವಾಹನಗಳಿಂದ ಹೊರಸೂಸುವ ಹೊಗೆಗಳು, ಎಲೆಕ್ಟ್ರಾನಿಕ್/ ಎಲೆಕ್ಟ್ರಿಕಲ್ ಸಾಧನಗಳಿಂದ ವಿದ್ಯುತ್ಕಾಂತೀಯ ಕಿರಣಗಳು ಪರಿಸರವನ್ನು ಮಲಿನಗೊಳಿಸುತ್ತಿವೆ. ಅಗ್ನಿಹೋತ್ರವನ್ನು ಮಾಡುವುದರಿಂದ ನಮ್ಮ ವಾತಾವರಣವು ಶುದ್ಧೀಕರಣವಾಗುತ್ತದೆ ಹಾಗೂ ನಮ್ಮ ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತದೆ.
ಅಗ್ನಿಹೋತ್ರವನ್ನು ಮಾಡುವುದರಿಂದ ಮತ್ತು ಕೊನೆಯಲ್ಲಿ ಉತ್ಪತ್ತಿಯಾಗುವ ಅಗ್ನಿಹೋತ್ರದ ಹೊಗೆಯನ್ನು ಉಸಿರಾಡುವುದರಂದ ಒತ್ತಡ ಮತ್ತು ತಲೆನೋವಿನ ಸಮಸ್ಯೆಗಳು ನಿವಾರಣೆಯಾಗುತ್ತವೆ.
